ڕۆژا سێشەمبی، ڕێکەفتی (٢٠٢٦/١٠/٢٠)، ب ئامادەبوونا سەرۆکێ حکومەتا هەرێما کوردستانێ، ڕێزدار (مەسرور بارزانی)، پڕۆژە و دەستپێشخەرییا زانستی یا سەردەمیانە "فرەچەشنییا زیندەیی ل کوردستانێ" ب فەرمی هاتە ڕاگەهاندن. ئەڤ پڕۆژەیە دەستپێشخەرییەکا گرنگ و پڕ بهایە کو ژلایێ دامەزراوەیا «کوردستان فاوندەیشن»ڤە هاتییە ئامادەکرن بۆ تۆمارکرن، بەڵگەنامەکرن و پاراستنا گیانەوەر و ڕووەکان ل سەرانسەری هەرێما کوردستانێ.
ئەڤ کارێ زانستی یێ هویر ژ بلی گرنگییا وێ یا ئێکجار مەزن بۆ کەرتێ ژینگەهێ و پاراستنا سرۆشتێ زەنگینێ کوردستانێ، خزمەتەکا بەرچاڤ ب ناڤەندێن زانکۆیی و ڤەکۆلینێن زانستی دگەهینیت و دەستپێکەکا بنەرەتی بەرهەڤ دکەت بۆ پێشڤەبرنا ڤەکۆلینێن پەیوەندیدار ب ژینگەهـ و فرەچەشنییا زیندەیی. ل سەرانسەری ئەڤی پڕۆژەیی، وەکو دەستپێک ٢٢٥٢ زیندەوەر ل هەرێما کوردستانێ ب فەرمی هاتینە تۆمارکرن و نیاسین (ژ وان ژی: ١٤٠٨ ڕووەک و ٨٤٤ گیانەوەر). هەمی زانیاری و پێزانینێن تێڕوتەسەل د سەر مالپەڕێ فەرمی یێ پڕۆژەیی دا ل ژێر ناڤونیشانێ (www.biodiversity.krd) ل بەردەستێ ڤەکۆلەر و خواندەڤانان دانە.
زانکۆیا زاخۆ ژی هەردەم هەڤپشکەکا کارا یا پڕۆسێن زانستی و نیشتمانی بوویە؛ د ئەڤی کارێ مەزن دا ڕۆلەکێ بەرچاڤ و هاریکار گێڕایە چ ژ لایێ زانستی ڤە یان ژی د ڕێکخستن و گەهاندنا ئەڤی ئارمانجا پیرۆز دا.
د ئەڤی ڕێوڕەسمێ فەرمی دا، شاندەکێ زانکۆیا زاخۆ ب گەرمی پشکدار بوو، کو پێکهاتبوو ژ بەرێزان:
• پ.هـ.د. جاسم محمد عبدو (هاریکارێ سەرۆکێ زانکۆیێ بۆ کاروبارێن زانستی و خواندنا بلند)
• پ.هـ.د. نەجمەدین عزەدین (هاریکارێ ڕاگرێ کۆلیژا ئەندازیاری)